新快报：眼光和选择

　　我欣赏戴维斯同韦舒亚，前者系因为勇气和无私，后者系因为才气。

　　奇云·戴维斯（凯文·戴维斯）和韦舒亚（威尔谢尔）双双入选英格兰国家队，同事讲笑要我请食饭，话我咁捧佢两个，终于守得云开，“去做球探、经纪佬好过啦！唔使捱！（不如去做经纪人，不用熬了。）”

　　足记其实同普通球迷一样，有自己嘅审美观。钟意咩类型嘅球员见仁见智，无法强求口味一致。但咩人好波，大致上有个统一标准，你可以唔钟意佢啲波，但唔能否认佢对球队嘅价值和贡献。廿几年前啱睇波果阵，我都净系识得欣赏啲“扭王”，舞龙咁带著只波系咁见人就过。呢种倾向同好多人入门时嘅感觉差唔多，毕竟踢波系讲脚法，讲技术嘅观赏性运动，扭波啱好系最讨好观众嘅个人技巧。

　　睇波时间一长，特别系入行以后开始钻研呢项运动，先知道踢波原来学问咁渊深。扭波呢类表面功夫，唔再系我评价一个球员好坏嘅第一标准，尽管呢项技术依然极为重要。

　　需要勇气，勇气来自性格，亦教唔来。

　　我欣赏戴维斯同韦舒亚，前者系因为勇气和无私，后者系因为才气。戴维斯啲波朴实无华，毫无新生代球员过分炫耀嘅噱头，对于追星一族，佢甚至可以被列为“糙哥”。但佢将勤补拙，以简练实用嘅技术，敢于刺刀见红嘅气魄，给集体以莫大嘅帮助，尽管佢嘅价值和贡献通常被佢啲“茅王”数据所掩盖。

　　戴维斯未能入选南非世界杯阵容，我真系戥佢唔抵，比较佢同希斯基（赫斯基）嘅能力，佢比后者好使得多。希斯基占咗唔少以往入选国家队服侍奥云（欧文）及朗尼（鲁尼）嘅便宜。卡比路（卡佩罗）能重召戴维斯，并唔系证明我有几高章，而系身价六百万英镑一年嘅卡比路，有修正失误嘅勇气和能力。

　　韦舒亚一出道，我便为此子嘅才华倾倒，同啲朋友交流，佢地初初睇唔出呢个僆仔有咩特别。佢啱就系我上面所说嘅那类：处理球大气，极具智慧嘅典型。韦舒亚能带俾我地嘅，就系佢极具想象力嘅传送，自信嘅控带，以及对大局嘅控制。足球的确需要有人“打铁”，但更多嘅系给予观众艺术嘅享受。